تمهيد :س:ما هي الجملة الاسمية؟
🌻كلنا عارفين يا أولاد إن عدد حروف اللغة العربية 28 حرف وإن علشان حضرتك تكون كلمة لازم تكون من 28 حرف، طالب يقولي يا ميس انا عايزة أضع كلمة بجانب كلمة هقوله تمام ياحبيبي ولكن المسمي هيتغير من كونه كلمة إلى كونه جملة تعالوا نعرف يعني ايه جملة:
هي أكثر من كلمة بشرط تعطي معني الإفادة ، نأخذ مثال
🌻الشمس ساطعة
اولا دول كلمتين وفهمت أن الشمس ساطعة ومنورة الدنيا كلها
يبقي دي جملة.
🌻جرى الشجرة
اولا دول كلمتين ولكن مفهمتش حاجة من الكلمتين إذا ليست جملة.
تعالوا نراجع أقسام الكلمة وأن الكلمة إما أن تكون:-
🌞اسم 🌞فعل 🌞حرف
وأن علامات الاسم هي
🌞 ال
🌞التاء المربوطة (ة)
🌞التنوين
🌞قبله حرف جر.
🌞قبله يا نداء
ودول علامات الاسم الخمسة في درسنا اليوم هنركز علي الاسم هو تمهيد لدرس الجملة الأسمية ،والفعل تمهيد لدرس الجملة الفعلية.
وأقسام الجملة هي:
🌞جملة اسمية.
🌞جملة فعلية.
اليوم سوف نتكلم عن الجمله الاسميه تبدا:-
1- هي كل جملة بدايتها اسم.
2- تتكون من جزءين رئسيين هما (المبتدأ - الخبر).
بكار يا أولاد كان عارف المعلومات دي ومن كثرة إعجابه كان مهتم جدا يعرف يعني ايه مبتدأ؟ ويعني ايه خبر؟
بكار بعد ما خلص جولته السياحية في سيناء، والاسكندرية، وشرم الشيخ ومعالمهم الأثرية، قرر أنه يزور جولة نحوية ويتعرف على الأخين الحلوين (المبتدأ - الخبر).
أخذ بكار شوية زهور من الحديقة وذهب إلي بيت الجملة الأسمية ، المبتدأ والخبر رحبوا ببكار وفرحوا بيه جدا ، جلس بكار في منزل الجملة الاسمية وكان بكار حابب انه يتعرف على شخصيتهم فسألهم شوية أسئلة
بكار قال أنا قرأت أن الجملة الأسمية تتكون من جزءين أساسين يكمل بعضهم بعض وهما(المبتدأ - والخبر)، رد الأخين وقالوا هذا الكلام صحيح.
السؤال الأول🌿
🌞سأل بكار المبتدأ وقال له أنا اسمي بكار اسمي بسيط وسهل أنت اسمك مبتدأ اسم صعب ايه الي سماك الاسم دا؟
👨رد المبتدأ وقال علشان بيبدؤا بيا الجملة الأسمية أنا البداية يا بكار، كل حاجة يا بكار لها وظيفة المدرس وظيفته تعليم الطلاب،والطبيب وظيفته علاج المرضي وهكذا، والمبتدأ له وظيفة فما هي وظيفة المبتدأ؟ يقع في بداية الجملة الأسمية أي الكلمة التي تبدأ بها الجملة الأسمية، بكار قال له أعطيني مثال:
🌻الكتاب مفيد
أول حاجة أسأل نفسي كلمة الكتاب اسم ولا فعل؟
الكتاب اسم إذا الجملة اسمية وانا مغمض 🙈وأول كلمة قلنا عليها اسم هيا المبتدأ لأن المبتدأ هو بداية الجملة الاسمية تمام يا مبتدأ أنا فهمت.
كمان يا بكار كلنا عارفين أن العش هو بيت العصافير ، وطبعا الأسد استحالة إنه يعيش في العش لأن كل حيوان أوكل طائر
ليه البيت الخاص بيه، كذالك هنعمل إسقاط علي الجملة بتاعتنا (فالمبتدأ والخبر) ليهم البيت الخاص فيهم وهو بيت الجملة الأسمية، مينفعش يعيشوا في بيت آخر زي بيت الجملة الفعلية مثلا.
🌞المبتدأ قال لبكار إن ممكن المبتدأ يكون اسم إشارة أو ضمير متكلم أو ضمير مخاطب أو ضمير غائب عادي خالص.
خلص بكار حديثه مع المبتدأ وراح للخبر ☺
🌞سأل بكار الخبر وقال له أنا بكار اسم سهل ايه الي سماك خبر؟
رد الخبر وقال علشان معني الجملة لا يتم إلا بيا ، فأنا بخبر عن المبتدأ بشء، ضحك بكار وقال له مش فاهم أعطيني مثال
🌻محمد مجتهد
طبعا قولنا أن محمد مبتدأ لأنه اسم يقع في أول الجملة، لو أنا قلت محمد وسكت حد فهم حاجة، هتفكر يا ترى ماله مريض ولا مسافر ولا ماذا حدث له،فأنا قلت مجتهد إذا الخبر يقول شئ عن المبتدأ أي يخبر عنه .
🌞كلمة السر علشان أعرف الخبر هي (ماله للمذكر - مالها للمؤنث - مالهم لجمع المذكر - مالهن لجمع المؤنث ) مثال:
1- الولد محبوب.
الولد اسم يقع في بداية الجملة وبالتالي هو المبتدأ.
أسأل المبتدأ بكلمة السر الخطيرة وهو الولد ماله؟ تطلع الإجابة بمحبوب إذا هو دا الخبر.
2- الفتاة جميلة.
الفتاة اسم يقع في بداية الجملة وبالتالي هي المبتدأ.
أسأل المبتدأ بكلمة السر الخطيرة وهي الفتاة مالها؟ تطلع الإجابة جميلة إذا جميلة هي الخبر، والخبر يا أولاد فتان😀لو سألته علي أي حاجة بيقول.
الخبر يا أولاد مغرور إزاي يا ميس هقولك بيقول إن الجملة من غيره ملهاش لازمة يعني مفيش جملة اسمية وفعلا يا أولاد الخبر لو مش موجود يعني مفيش جملة اسمية لأنه تتحول من كونه جملة إلي كونها كلمة.
اعراب الجملة الاسمية
🌻 يرفع المبتدأ والخبر بالضمة إذا كان (مفرد - جمع مؤنث سالم ) , (الضمة ) علامة أصلية.
🌻 يرفع المبتدأ والخبر (بالأف) إذا كان مثنى , (الألف) علامة فرعية.
🌻 يرفع المبتدأ والخبر (بالواو )إذا كان جمع مذكر سالم , (الواو) علامة فرعية.
جملة اسمية مثال وتدريب
عين الجملة الأسمية وحدد المبتدأ والخبر
🌻1- السماء صافية.
...............................................................................🌻2- الجندي شجاع.
...............................................................................
🌻3- الطبيب ماهر.
...............................................................................