أقل عدد لكلمات الجملة2 ، وأنا طالع ، فممكن يكونوا 2، 3، 4، 5، 6 ، إلي ما لا نهاية، ولكن بشرط تعطيني معني الإفادة يعني استفيد منها حاجة.....تمام يا ميس.
ويعني ايه (فعلية) يعني الجملة تكون مبلوءة بفعل.
تعالوا نراجع مع بعض أقسام الكلمة فهي إما أن تكون
🌻اسم 🌻فعل 🌻حرف
اتكلمنا في الجملة الأسمية عن الاسم لأنه تمهيد له ، النهاردة هنتكلم عن الفعل لأنه تمهيد الجملة الفعلية. أنواع الأفعال ثلاثة:- 🌻ماض 🌻مضارع 🌻أمر
أولا: الفعل الماضي
ببساطة يعني حاجة حصلت وانتهت هعطي لكم مثال يا أولاد
كتب ، قرأ ، فهم ، نام ، استيقظ ، ذاكر ، بني ، سافر ، وهكذا.
ثانيا: الفعل المضارع
ببساطة يعني حاجة مستمرة في الحدوث وغير متوقفة، هعطي لكم مثال يا أولاد يكتب ، يقرأ ، تنام ، تستيقظ ، نذاكر ، نبني ، أسافر ، ألعب ...وهكذا
أعرف إزاي الفعل المضارع ؟
حروف المضارعة كلمة (أنيت)، جاوب معايا السؤال دا علشان تعرف إذا كنت فهمت
هعطي لكم أفعال ماضية ونجيب المضارع منها عن طريق ندخل حرف من حروف كلمة(أنيت) تعالوا نشوف يا أولاد💪
| فهم | أفهم | نفهم | يفهم | تفهم |
| عمل | أعمل | نعمل | يعمل | تعمل |
ثالثا: الفعل الآمر
ببساطة الفعل بيآمرك بحاجة هتعملها ازاي يا ميس؟
اكتب ، اخرج ، ذاكر ، استمع ، افهم ، انتبه ، اشرب ...وهكذا كل دي أفعال آمر.
اليوم سوف نتكلم عن الجملة الفعلية:-
🌻كل جملة تبدأ بفعل تسمي جملة فعلية.
🌻تتكون من ركنين آساسين هما (الفعل + الفاعل) وأحيانا تحتاج الجملة الفعلية إلى مفعول به.
بكار يا أولاد كان عارف كل المعلومات دي من مدرسته ولكن كان حابب ومهتم بأن يعرف يعني ايه فعل؟ ويعني ايه فاعل؟
بكار يا أولاد بعد ما خلص جولته النحوية في بيت الجملة الاسمية، وجولته إلي ضمائر المخاطب، والاسم المثنى ، قرر أنه يزور بيت الجملة الفعلية.
أخذ بكار شوية زهور وورد من حديقته ، وذهب إلي بيت الجملة الفعلية، فرحب الفعل والفاعل بزيارة بكار ، سأل (بكار) الفعل ايه معني اسمك؟
رد (الفعل) وقال له: أنا حدث (يعني حركة)معاهازمن وأقسامي ثلاثة: 🌿ماض 🌿مضارع 🌿آمر
رد (بكار) وقال له : أنا مش فاهم ممكن تعطيني مثال.
رد (الفعل)وقال :أي فعل يا بكار ذي مثلا (كتب) لابد أن يكون فيه زمن بمعني هو كتب امتي؟ يعني كتب وخلص كتابة ، ولا مستمر في الكتابة ،ولا سوف يكتب. رد (بكار) وقال : هو خلص كتابة ودا نوعه ماض،
رد (الفعل) وقال له : برافو عليك يا بكار.
قال (الفعل) : القسم التاني مني هو الفعل المضارع يعني مثلا الفعل(يشرب)كدا مستمر في الشرب يعني لسه مخلصش الشرب ، وعلشان تميز الفعل المضارع هيبدأ بحروف (أنيت)، 🌿أشرب 🌿نشرب 🌿يشرب 🌿تشرب
رد (بكار) وقال : تمام أنا فهمت.
قال (الفعل): ايه لسه يا بكار نوع ثالث مني وهو الفعل الآمر ودا سهل جدا يعني فيه أمر حد بيؤمرني بعمل شئ معين مثل ذاكر ، افهم ......وهكذا.
رد (بكار) وقال : شكرا لك يا صديقي الفعل أنا فهمت.
بكار خلص حواره مع الفعل وذهب إلي الفاعل.
سأل بكار الفاعل: يعني ايه فاعل؟
قال (الفاعل) : أنا يا بكار من بقوم بالفعل يعني (أنا الي بعمله).
قال (بكار ): أنا مش فاهم حاجة أعطيني مثال علشان أفهم.
قال (الفاعل): هعطي لك مثال (سرق اللص البيت) علشان يا بكار تعرف نوع الجملة انظر إلي أول الجملة وضع تحته خط، وبعدين اسأل نفسك ايه نوع الكلمة دي؟ طبعا دي فعل، وبالتالي جملة فعلية، عرفنا كدا الفعل، علشان أجيب الفاعل بسرعة أسأل نفسي سؤال مين الي سرق؟ اللص إذا اللص الفاعل.
نأخذ مثال آخر (شرب الطفل اللبن)أولا أسأل نفسي سؤال ايه نوع الجملة دي ؟ بدأت بفعل(شرب)إذا جملة فعلية ،وأي فعل لابد أن من فاعل أسأل نفسي سؤال مين الي شرب؟ الطفل إذا فاعل
قال( بكار) أنا كدا فهمت من قام بالفعل ولكن عايز أفهم معني أو اتصف به
رد (الفاعل) وقال: هعطي لك مثال يا بكار لما أقول (انكسر الزجاج)أولا كالعادة أعرف نوع الجملة طبعا جملة فعلية لأنها بدأت بفعل وهو (انكسر) وأي جملة فعلية طبعا محتاجة لفاعل بالزجاج هنا مكسور وهو لم يكسر نفسه ،وبالتالي الزجاج هنا فاعل. .
قال (بكار) شكرا لك يا صديقي (الفاعل) لأنك فهمتني حاجات كتير .
________________________________________
اقرأ الجمل التالية وحدد نوعها (اسمية 🌿فعلية)
🌿القمر منير. نوعها.....................
🌿يغرد البلبل. نوعها.....................
🌿السماء صافية. نوعها....................
🌿الجندي شجاع. نوعها....................
🌿يلعب محمد بالكرة. نوعها.....................
🌿اكتب الواجبات. نوعها.....................
🌿المنزل نظيف. نوعها.....................
🌿يعالج الطبيب المرضي. نوعها...................